චීනයේ හන්ජෝ නුවර ඔලිම්පික් ක්රීඩා මධ්යස්ථාන ක්රීඩාංගණයේ පැවති කාන්තා මීටර් 800 ඉසව්වේදී රන් පදක්කම දිනා ගැනීමට තරුෂි කරුණාරත්න සමත් වූවාය.
තරුෂි මිනිත්තු 2.03:20 ක කාලයකින් තරගය අවසන් කිරීමට සමත් වූවාය. එම ඉසව්වේ රිදී පදක්කම ඉන්දියාවට ද, ලෝකඩ පදක්කම චීනයට ද, හිමිවිය.
ශ්රී ලංකාව ආසියානු ක්රීඩා උළෙලකදී මලල ක්රීඩා රන් පදක්කමක් දිනාගත්තේ වසර 21කට පසුවයි.
මේ ඉසව්වට එක් වූ ක්රීඩිකාවන් 8 දෙනා අතුරින් 18 හැවිරිදි තරුෂි ළබාලතම ක්රීඩිකාව ද වූවාය. මේ ඉසව්වේ ශ්රී ලංකා වාර්තාවට හිමිකම් කියන ඇය වලල ඒ. රත්නායක විදුහලෙන් ක්රීඩාවට පිවිසි අතර, ඇයගේ පුහුණුකරු ලෙස සුසන්ත ප්රනාන්දු මහතා කටයුතු කරයි.
කාන්තා මීටර් 800 ඉසව්වේදී රන් පදක්කම දිනා ගැනීමට සමත් වූ තරුෂි කරුණාරත්න ඉන් විනාඩි 50කට පසුව කාන්තා මීටර් 400 සහාය දිවීමේ කණ්ඩායම සමඟ එක්ව ලෝකඩ පදක්කම දිනා ගැනීමට ද සමත් වූවාය.
